Alti Glaibasler Alti Garde 

Mir Altgardischde sin e glatti Bandi vo männlige Fasnächtler, wo’s e weeneli gmietliger nämme. Mer leen ys an de drey scheenschde Dääg und Nächt zytlig nit stresse, sondern gniesse d Frau Fasnacht und leen ys vo iire verweene. Au hän mer bi de Marschhält no Blatz zem zämmehogge. Mer sin stolz uff unsere AGB-Stamm und nadyrlig uff unseri Jungi Garde, d’Setzlig. Mer schetzes aber au, ass mer nimme jedes Joor e neye Marsch mien ynedrugge. Mer leen ys aifach e bitz mee Zyt, wenn mer musikalisch ebbis Neys aapagge. Näbe em Drummle und Pfyffe sin d’Kameradschaft und Gselligkait ganz wichtigi Faggtore. Eso macht’s au Spass, Fasnacht z’mache.

Unseri Yebigsstunde feen als no de Herbschferie a und finde in unserem Stammlokal, der Riechedoorhalle jewyls am Frytigzoobe statt.

Kasch pfyffe oder drummle?

Oder wotsch im Vortrab bummle?

Wotsch wiider aggtiv Fasnacht mache?

Duet d Frau Fasnacht Di aalache?

Denn muesch sofort duurestarte

diräggt ze uns in die Alti Garde!