Gemischtes Jodlerchörli Zytröseli Seftigen

Mir si e bunt zämägwürfleti Truppe vo Manne u Froue wo Fröid hei am Jutze u Singe u das gmeinsame Hobby zämä tüe teile. Natürlech chunnt o ds gmüetleche Zämäsy nach der Prob bi üs nid z'churz. Üse Verein isch im 1952 gründet worde u sit här isch ds Chörli bemüeht bi diverse Aläss wie Geburtstage,Hochzyt,Konzert oder vereinsinterne Tätigkeite mit üsem Gsang echli Fröid id Härze z'bringe. Aui zwöi Jahr bsueche mir es kantonals oder eidgenössisches Jodlerfescht u zwüschedry gö mir o gärn ufenes Reisli,gö ga Chegle oder tüe üs bimene gmüetleche Raclette d'Büch vouschla. Gleitet wärde mir vor Albert Liebi u probe tüe mir geng am Mäntigabe viertu ab Achti im Schulhuus ds Seftige. Wes öpper würdi gluschtig mache de chömet doch einisch unverbindlech cho icheluege, mir chöi immer nööi, motivierti Lüt i aune Stimmlage bruche. Mir fröie üs uf öich!