bantigergnome Bolligen

es tuet sech öppis am bantiger,
we dr mond ufgeit,
touche zwüsche de böim
kurligi gschtaute uf.
gwungerig striiche si umenang
u schüttle loub u chrisnadle
us haar u gwand.

uf der liechtig ungerem turm
finge si sech zäme.
das gseht aues echly gfürchig us….

plötzlech het jedes öppis glänzigs
i de häng - si setze a u wundersam
schregi kläng schtygä
zu de stärne uf