Fasnachtsgesellschaft Räblüs Wintersingen

Eusi Gschicht
Dr Grundstei für euse Fasnachtsverein hei im Johr 1982, fünf unabhängigi Pionier gleit, wo umsverrecke eimol am Sissacherumzug hei wele mitlaufe.

Dene fünf het das Ganze denn so viel Spass gmacht, dass sich dFrog nachere Fasnachtsgsellschaft für Wintersinge nid lang gstellt het.

Gesagt, Getan!

Durch die schnälli Statuteerarbeitig, het mä scho am 12. Juni 1982 chöne zur Generalversammlig, für d'Fasnachtsgruppe Räblüs, iilade.

18 Fasnächtler und Fasnächtlerinne si derä Iiladig gfolgt und vo Johr zu Johr, het d’Mitgliederazahl zugnoh.

Im Johr 1987 isch denn au d’Guggemusik derzuegründet wordä. D’Räbäschränzer si geborä.

Di fasnächtliche Aktivitäte vo eusnä Räblüs und Räbäschränzer gestalte sich hauptsächlich usem alljöhriche Umzug in Sissach, dr eignigä Strossefasnacht/Buurefasnacht im Dorf und jede Sunntig nachem Sissacherumzug fiire mir, mit de Iiwohner vo Wintersinge, no am Fasnachtsfüür wiitär.

Am Fasnachtsmittwuch wird traditionell euses Chluri verbrennt und zum's feschtliche Triibe, mit emä grossä Knall chöne zbeändä, organisieremer jöhrlich dr Cherusball in der wintersinger Turnhalle. WELCOME !