Fundaziun Retoromana Placi a Spescha (FRR)

La FRR ei l organisaziun purtadra dils cuors da romontsch intensivs en Surselva. L instituziun ei vegnida fundada igl onn 1982. Ella ei resortida digl «Institut de Cuors Retoromontschs», in institut per cuors da romontsch, fundaus 1969 a Rumein da pader Flurin Maissen e siu frar Augustin Maissen. Ord igl act da fundaziun: «vul la FRR contribuir al manteniment, alla tgira ed all animaziun dalla cultura dils Retoromontschs. Ella vul contribuir ad ina veta emplenida cun tut quei ch ei human, bi e car, vivida en libertad, sco quei ch ella vegn circumscretta els dretgs humans.» Questa finamira emprova la FRR da contonscher en differents secturs. In da ses camps d activitad ei l organisaziun e la realisaziun dils cuors da romontsch intensivs a Laax.