Gipfelstürmer Chur

D'Gipfelstürmer sind alässlich vom zweita Weizabräufest in Chur 1987 gründet worda.

Noch dem erfolgricha Start, sind miar all Johr zämma gho, um dia no jung Churer Fasnacht mit üserna Uftritt zberichera. Sit üsem Gründigsjohr vum letzta Johrtusig, analysieren miar mit scharfem Sinn zalljöhrlicha Gscheha, um gwüssa Ereignis am Khurer Fasnachtsvolk uf eigni Art und Wiis kund ztua.

D'Gipfelstürmer sind a reini Männerkligga, weli dr wiblicha Verfüahrig zwiderstoh versuacht. Dia frommi Tugend wird vo de mit Rehauga beschenkta Mitglieder meistens kurz noch Beginn vum Umzug bereits verworfa. Das aber nit wil der Geist zschwach wäri, sonder wil ma sich über dia richtigi Defintition vur Verfüahrig no nit einig worda isch.