Pfadi Manegg (Mädchen)

D'Pfadi Manegg isch e Meitlipfadi im Gebiet Züri-Stadt und nöcheri Umgäbig, wo natürli au Birmensdorf, Uitikon, Stalikon, Landikon, Ringlikon, Aesch und Arni dezue ghöred!

D'Meitli us dene Dörfer träffed sich jede Samschtignamitag i zwei nachem Alter ufteilte Gruppe (1.-4. Klass und 4. Klass -99gi). Mir Pfadileiterinne gschtaltet oisi Pfadiüebige nachem Motto: "Kopf, Hand und Herz", für alles isch am Samschtignamitag öppis debi. Mir erläbed d'Natur und läbed i de Natur, singed und mached schpili, mached Schport und träffed ois i Lager. Natürlich mached mir no vill, vill meh lässigi Sache!